حول معنى (خسف القلوب )

 قال بن القيم رحمة الله عن بعض العقوبات التي تنزل على القلوب بسبب بعض المعاصي :

(يخسف بالقلب كما يخسف بالمكان وما فيه ، فيخسف به إلى أسفل السافلين وصاحبه لا يشعر ، وعلامة الخسف به أنه لا يزال جوالا حول السفليات والقاذورات والرذائل

كما أن القلب الذي رفعه الله وقربه إليه لا يزال جوالا حول العرش يبحث عن البر والخير ومعالي الأمور والأعمال والأقوال والأخلاق )

...

منذ وقت قريب حكى لي صديق عن فيديوهات مقززة جدا ، فتيات جميلة بيتبرزن(اعزكم الله ) كل واحدة في فم الاخرى ويلعبن بالبراز ويدهنوا أجسامهم به ويأكلوه بملعقة !!!!

وان الفيديوهات دي ليها مشاهدات وإعجابات .

وان التعليقات تدل على ان الناس اللي بتتفرج مش مجرد فضوليين، دي ناس مستمتعة ومتابعة ومستنية الجديد!

شيئ عجيب هي الدنيا رايحة بالناس لفين اكتر من اللي بنشوقه

وقتها افتكرت تصوري زمان إن "أقصى درجات القرف" هو الصينين لما يأكلوا كلاب او ديدان او حشرات مقززة ..

وقتها كنت بقول هما دول بشر زيينا؟ هما كدة ازاي؟

والغرابة دي مش بس على مستوى الافعال ..

كذلك على مستوى الافكار

كنت بستغرب كذلك لما اسمع عن ناس بتعبد حاجات زي القطط أو القرود او البكتريا الخ

او ناس بتمارس زنا المحارم !!!

او ناس زي قوم لوط ازاي يسيبوا الستات ويرغبوا في رجالة !!

...

بس موضوع الفيديوهات كان من اكثرهم غرابة لأن مفيهوش متعة وحاجات حتى الحيوانات ترفضها

ازاي بيحبوا حاجات بالشذوذ والقرف ده ؟

--- كلام بن القيم بيفسر ليه بيحصل كدة

وكأن بعض القلوب مصممة على التفاعل مع كل ما هو قذر وسيئ وبتبحث عنه .

-----

وفي المقابل في أشد البيئات فسادًا بتلاقي قلوب نظيفة مميزة تحب الفضائل ومكارم الامور ..

زي امرأة فرعون اللي آمنت في بيئة لا تشجع أبدا، وكمان مؤمن آل فرعون، وأوائل الصحابة اللي اتبعوا النبي ﷺ رغم ظروف قاسية .

بمجرد سماع بسيط عن دعوة الحق او سماع آية واحدة او عدة آيات ..

قلوبهم الطيبة كانت في انتظار إن الخير يظهر علشان تتبعه وتضحي عشانه.

كنت بتعجب منهم هما كمان زمان واقول هما آمنوا كدة بسرعة ازاي ؟

....

فكرني الكلام ده اني أتأمل تاني في الآية

(الخبيثات للخبيثين والخبيثون للخبيثات والطيبات للطيبين والطيبون للطيبات)

كأن الخبائث من الافعال والافكار والخبيثين من البشر بيدوروا على بعض

والطيبون والطيبات بيدوروا على بعض كذلك ..

..

قلوب احوالها تجعلها تنجذب للخبيث وتبحث عنه، وقلوب تنجذب للطيب وتبحث عنه، وكلٍّ يلاقي اللي يناسبه.

..

اصبحت اتصور ان اي حد لو طلع بأي فكرة حتى لو بالغة في الغرابة والشذوذ زي عبادة الصرصار مثلا انه هيلاقي له متابعين ومصدقين ..

اي فعل شاذ ومقرف هتلاقي ناس تستحسنة وتتبعه

-----

وتذكرت الآية :

(ولتصغى إليه أفئدة الذين لا يؤمنون بالآخرة وليرضوه وليقترفوا ما هم مقترفون)

ان الباطل لما يتواجد بيجد له قلوب تصغي اليه وترضاه

الاية دي نزلت بعد قوله تعالى :

( وكذلك جعلنا لكل نبي عدوا شياطين الإنس والجن يوحي بعضهم إلى بعض زخرف القول غرورا )

--

زخرف القول الغرور ده بتصغى اليه قلوب من لا يؤمنون بالآخرة وبيرضوه ...

كذلك كل حق وكل باطل بيجد له بين القلوب انصار ..

الباطل بيجذب قلوب خبيثة كانت تبحث عن الخبائث فتتلقاها اذا وجدتها

والحق كذلك بيجذب قلوبا طيبة اذا وجدته تعلقت به من فورها ..

..

سبحان الله كأن كل شيئ موجود في القرآن

( ونزلنا عليك الكتاب تبيانا لكل شيء )