ليه الالتزام جميل؟

 ليه الالتزام جميل؟

للإلتزام ثمرات نفسية وروحية بل وجسدية على الملتزم غير ثمرة ثواب ربنا في الاخرة ..

من ثمرات الالتزام والعبادات انها بتحرر قلب وعقل الانسان

يعني زي ما الواحد بيتمرن عشان يقوي عضلاته، الالتزام و العبادة بتمرن الانسان وتعلمه الصبر والتحكم في نفسه في غضبه وفي شهواته

وتساعده على الانضباط والنظام..

..

الصيام بيعلمه السيطرة على نفسه وقوة الارادة .. بيعلمة الصبر وتنمية القدرة على التحمل و الانجاز وده بيعود عليه بالنفع في باقي امور حياته فالصبر الذي يكتسبه المسلم من الصوم يجعله قادرًا على التعامل مع صعوبات الحياة اليومية بطريقة أكثر هدوءًا واتزانًا.

.

الصلاة بتعلم الواحد الانتظام بأفعال معينة في اوقات معينة باستمرار مهما كان حاله

بتعلمه ترتيب الاولويات وبتحرره من الانجرار و الانغماس الزيادة في اي شيئ تاني ياخد وقته ونشاطه .. بتحرره من انه يبقى عبد للشغل او اللعب او الفلوس .. او لنفسة من جهه النوم والراحة

بتعلمه القيمه المعنوية

..

الزكاة والصدقة بتعلمه ينفق ويضحي بالفلوس والممتكات فيتحرر من الانانية والطمع ومن انه يبقى عبد للفلوس .

بتعلمه الرحمة والأحساس بالغير

بتعطيه قيمة نفسية لما يشوف الفرحة في عين اللي بيتلقى منه الصدقة ..

بيعرف قيمة معنوية تانية غير القيمة المادية للمال

بتعرفه قيمة التعاون والتكافل

كل عبادة فيها زي كدة ..

الالتزام بيبدل كل حاجة سيئة فيه بقيمة احسن منها

كما انه كله عادات صحية مفيدة للجسم والعقل ..

الالتزام حفاظ على الحقوق وكرامة ورحمة للمرأة والطفل والضعيف والجار...

..

الالتزام قيمة ورحمة وعدل وصحة وفلاح في الدنيا والاخرة وراحة بال ورضا ..

..

عشان الحاجات دي كلها .. الالتزام سعادة وطمأنينة في القلب حتى لو كانت الاحوال الخارجية سيئة ..

الالتزام بيخلي جنة الانسان في قلبه ..

.. وعلى العكس .. الذنب بيشوه قلب الانسان وضميره ومشاعره وبينمي فيه كل شيئ سيئ ..

الالتزام بيحسن الحياة ككل بينما الذنب بيتلف الانسان والمجتمع

الالتزام سعادة دنيا وآخرة

بينما الذنب هم وضيق وعذاب في الدنيا والاخرة